Gera þarf ráð fyrir því að greiningarbúnaður og aðstaða á skurðstofum sé takmörkuð, sama hvar þú starfar, það er ekki einu sinni öruggt að þú hafir aðgang að röntgenbúnaði. 

Hæfni

• Það þarf að uppfylla þau grunnskilyrði sem gilda um alla væntanlega starfsmenn okkar á vettvangi 
• Löggiltur skurðlæknir 
• Reynsla af a.m.k. einu eftirtalinna sviða: almennar skurðlækningar, bæklunarskurðlækningar og áfallaskurðlækningar, endurgerð eða lýtaaðgerðir 
• Skurðlæknar verða að hafa framkvæmt a.m.k. 10 keisaraskurði (á síðustu 2 árum) fyrir upphaf verkefnis, Læknar án landamæra geta aðstoðað við að koma þessu í kring eftir ráðningu. 
• Geta til að vinna sjálfstætt við einfaldar aðstæður með takmarkaðan búnað og úrræði 
• Vilji til að fara eftir starfsreglum Lækna án landamæra um skurðlækningar 
• Möguleiki á að vinna á vettvangi í 6 vikur til hálfs árs (æskilegt er að fyrsta verkefni sé a.m.k. 3 mánuðir en næstu verkefni geta verið styttri, allt eftir aðstæðum) 

Æskileg viðbótarhæfni

• Til reiðu með stuttum fyrirvara (í neyðartilvikum gætu skurðlæknar þurft að leggja af stað innan 24 til 48 klst.) 
• Lestu meira um það að vera hluti af skurðlækningateyminu hér.

Athugið

Umsækjendur um stöðu skurðlæknis þurfa að fylla út eyðublað um hæfnismat til viðbótar venjulegum kröfum vegna umsóknar. Ferilskrár og eyðublað um hæfnismat verða metin og staðfest af ráðgjafa á sviði skurðlækninga áður en til viðtals kemur. 

• Mikilvægt er að gera sér grein fyrir því að það liggur í eðli starfa okkar að oft er þörf fyrir skurðlækna í mjög krefjandi aðstæðum þar sem öryggi fólks er hugsanlega stefnt í mikla hættu. 
• Mörg verkefna okkar eru bráð og því er oft þörf fyrir skurðlækna með mjög skömmum fyrirvara.  Stundum er þó hægt að staðfesta verkefni með góðum fyrirvara vegna starfsáætlana til lengri tíma.  Ef þú hefur áhuga á að vinna með okkur en hefur áhyggjur af viðbragðstímanum, hvetjum við þig engu að síður til að sækja um. Hægt er að fjalla um einstaklingsbundnar aðstæður sem þátt í viðtalsferlinu. 

Við ráðleggjum þér að horfa á þetta myndband frá Læknum án landamæra í Bretlandi. Sum atriði eru frábrugðin þar sem við erum í Noregi en myndbandið veitir góða innsýn í störf okkar.