Lyfjafræðingar bera ábyrgð á pöntunum, framboði, birgðastöðu og drefingu lyfja og lækningatækja til þeirra spítala og heilsugæslna sem Læknar án landamæra reka og/eða styðja. Mjög mikilvægt er að fara í hvívetna eftir öllum þeim lögum og reglum sem gilda í viðkomandi landi. Sem lyfjafræðingur hjá Læknum án landamæra gætir þú verið beðin/n um að meta aðgengi og gæði þeirra lyfja sem koma til greina til innkaupa á svæðinu.  Eins gætir þú þurft að vinna með innlendum heilbrigðisyfirvöldum við að meta aðfangakeðjurog það hvernig best sé að geyma lyf við krefjandi aðstæður á stöðum með takmörkuðúrræði. 

Sem lyfjafræðingur hjá Læknum án landamæra berð þú ábyrgð á miðlægu apóteki og hugsanlega dreifðum apótekum á heilsugæslustöðvum og sjúkradeildum. Því fylgir sú ábyrgð að þjálfa og fylgja eftir þeim innlendu starfsmönnum sem tilheyra þínu teymi. Þú munt oft fá það verkefni að þjálfa ófaglært aðstoðarfólk í apótekum til starfa.  

Lyfjafræðingur á heilsuheilsugæslustöðinni í Olongba í Lýðveldinu Kongó kannar stöðu lyfjabirgða. Ljósmynd: Læknar án landamæra/Caroline Frechard. 

Hæfni

• Það þarf að uppfylla þau grunnskilyrði sem gilda um alla væntanlega starfsmenn okkar á vettvangi. 
• Skjalfest menntun sem lyfjafræðingur. 
• Birgðahald og tryggja stjórnun lagers. 
• Að lágmarki 2 ára viðeigandi starfsreynsla í sjúkrahússumhverfi. 
• Geta til að innleiða ferla sem tryggja aðgengi og gæði á lyfjum sem keypt eru í innanlands. 
• Reynsla af mannaforráðum og þjálfun. 
• Þekking á HIV, berklum og meðferð við hitabeltissjúkdómum.